şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ZƏRİF ,DƏYƏRLİ ,FƏDAKAR QADINLARIMIZ “8 MART BEYNƏLXALQ QADINLAR GÜNÜ”NÜZ MÜBARƏK!
Qadın
gözlərində
Ay-ulduzlu kəhkəşanı,
Yeri, göyü asimanı,
Arzudan doğan ümmanı,
Axtar qadın gözlərində.
Şimşək çaxan yağışları,
Zümrüd qaşlı, göy suları,
Fırtınalı dalğaları,
Axtar qadın gözlərində.
İlıq bahar nəfəsini,
Sevənlərin həvəsini,
Gülüşün hər töhvəsini,
Axtar qadın gözlərində.
Mərhəmətin həmdəmini,
Xeyir-dua məlhəmini,
Xoşbəxtliyin hər dəmini,
Axtar qadın gözlərində.
Etibarı, sədaqəti,
İnsanlığa ləyaqəti,
Saf eşqi, saf məhəbbəti,
Axtar qadın gözlərində.
Xalidəyəm, əhdinə düz,
Xəzinədir sinəmdə söz,
Haqqa baxan, mənalı göz,
Axtar qadın gözlərində.
Xalidə Nuray.07.03.2022.
www.kafiye.net
Yorum Yapın