şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Təbiətin ruhu/Su çərşənbəniz
mübarək olsun,ey gözəl insanlar/
Çağırıram təbiətin ruhunu,
çiçəkləri, yarpaqları, otları,
dağlarda maralı, düzdə ahunu ,
ilxı ilə yüyürüşən atları.
Təbiətin zərrəsiyəm özüm də
Vəhdət gördüm nur qaynağın özündə.
Bal arısı çiçəklərə səbəbkar,
Saf ürəklər diləklərə səbəbkar
Ulu Tanrı özü mahir sənətkar.
Təbiətin zərrəsiyəm özüm də
Vəhdət gördüm nur qaynağın özündə.
Mən duyuram kainatda hər səsi,
Bu torpaq səsidir,o çiçək səsi.
Hər canlı zikr edir “Allah”kəlməsi.
Təbiətin zərrəsiyəm özüm də,
Vəhdət gördüm nur qaynağın özündə.
İç-içədir,gecə-gündüz,xeyir-şər,
Aləmlərə məhvərdir ali bəşər,
Sevgi ilə zərrələr bütünləşər,
Təbiətin zərrəsiyəm özümdə,
Vəhdət gördüm nur qaynağın özündə.
Tənha Bulud, kainatı salamla,
Davam edən bu həyatı salamla,
Bəxş edilən qüdsiyyatı salamla…
Təbiətin zərrəsiyəm özüm də,
Vəhdət gördüm nur qaynağın özündə.
Tamara Nadirova Tənha Bulud
Yorum Yapın