şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
YAĞIŞIN SİMFONİYASI
Sarıldı boynuma boyunbağıtək,
Mirvari damlalar pəncərəmizdən.
Dedi, misralara şəklimi bir çək,
Boyası duyğudan, fırçası sözdən.
İldırım çırpılıb qayaya, daşa,
Həzin damlaların kəsdi sözünü.
Toqquşan buludlar verib baş-başa.
Hər biri qorxudan sıxdı gözünü.
Qopub şimşəklərin məngənəsindən,
Yağış süzülürdü torpağa sarı.
Axıb təbiətin gen sinəsindən,
Baxıb seyr edirdi ağ buludları.
Hər damla sırayla düşdüyü yerdə,
Elə bil çalırdı “cəngi” havası.
Sükuta qərq olan böyük şəhərdə,
Yarandı yağışın simfoniyası.
Müəllif.M.Duyğulu.
18.09.2021.
www.kafiye.net
Yorum Yapın