şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ana
Dünyaya göz açdım,ilk səni gördüm,
Həyatda tək sənə könlümü verdim.
Yandım həsrətindən,çoxaldı dərdim,
Sənsiz yetim qaldım,məhv oldum,Ana.
Səni sevdim,bu həyatda birinci,
Tək sən idin,ürəyimin sevinci.
Sənsiz oldum qəm-kədərin girinci,
Günüm keçir dərd-qubarla,ay Ana!
Yanında olduqda qorxu duymadım,
Ana nəfəsindən mən heç doymadım.
Məni ağlamağa heç vaxt qoymadın,
Amma yoxluğunla ağlatdın,Ana.
Taledir,qismətdir,bilə bilmədim,
Səninlə doyunca gülə bilmədim.
Heç bilmirəm sənsiz niyə ölmədim?
Yamanca alışdım,yandım,ay Ana.
Gecələr yatmadan ,,can, qızım” dedin,
Özün heç yemədin,məni yedirdin.
Səni çox sevirəm,axı bilirdin,
İndi sən qəlbimi üzürsən, Ana!
01.02.2021 |
Yegane Bagirova
www.kafiye.net
Yorum Yapın