şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
A DAĞLAR, A DAĞLAR
Zirvələrdə gəzmişəm
Dənəvər qar yemişəm
Haqqında çox demişəm
A dağlar, a dağlar.
Hicrətdə yoxdu halım
Qəmli anır xəyalım
Ətrini kimdən alım
A dağlar, a dağlar.
Səsləyir gözəl çağın
Yemliyin, quzqulağın
İçməyə buz bulağın
A dağlar, a dağlar.
Elat binə düzürmü?
Göydə qartal süzürmü?
Qızıl balıq üzürmü?
A dağlar, a dağlar.
Qalıbmı körpüdə tağ?
Bar verirmi bağça – bağ?
Çalxayırmı nehrə yağ?
A dağlar, a dağlar.
Yad edib könül, kəndi
Xəyal atına mindi.
Qarşıma çıxdı Şindi
A dağlar, a dağlar
Yad gəlib oldu şərik.
Milləti etdi perik
Qalib tək görüşərik
A dağlar, a dağlar.
Mübariz Hüseyn Borçalı
www.kafiye.net
Yorum Yapın