şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SƏNİN..
Niyə özgə oda məni atırsan,
Od ver, öz oduna qalanım sənin.
Bəlkə qaşlarını qəstdən çatırsan,
Dərdindən üzülüb,talanım sənin?
*
Yol vermə qəm çəkim,dağlanım yenə,
İlham ver dəniz tək çağlanım sənə,
Elə et,elə sev bağlanım sənə,
Qıyma yalanına aldanım sənin.
*
Ellə olmaq üçün elə nəğmə de,
Dilə düşmək üçün dilə nəğmə de,
Sevgimiz haqqında elə nəğmə de,
Mən də nəğmən ilə güllənim sənin..
*
Kənardan baxmaqdan dəli olmuşam,
Qəlbimi sıxmaqdan dəli olmuşam,
Yoluna çıxmaqdan dəli olmuşam,
Yolla eşq dünyana yollanım sənin.
*
Nazlıyam,pak sevgi deyildir yasaq,
Niyə yad sözünə biz qulaq asaq?
Özgələr önündə mehriban olsaq,
Yad deməz başına dolanım sənin…
Nazlı Hacılı.
www.kafiye.net
Yorum Yapın