şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
OYADAYDIN
Səhərlərin mehi kimi,
Çəmənlərin şehi kimi,
Sevgimizin behi kimi,
Məni öpüb oyadaydın!
Gecələrə edib vida,
Öpüşlərin dada – dada,
Nəfəsini uda – uda,
Ağuşunda oyanaydım!
Gözüm açıb səni görcək,
Bilərdim ki, sevgin gerçək,
Açılaydın ləçək – ləçək,
Ətirinə boyanaydım!
Nəfəsimlə içə çəkib,
Ətirinlə ürək əkib,
Gözlərinə gözüm dikib,
Baxışında yuyunaydım!
Bu sevdada çimə – çimə,
Vida deyib dərdə, qəmə,
Çıxıb zilə, düşüb bəmə,
Vüsalından doymayaydım!
Təvəkkül Goruslu. 15. 07. 2019.
www.kafiye.net
Yorum Yapın