şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
GƏL APAR..
Çıxıb getmək işin həlli deyildir,
Gəl artıq özünü məndən al,apar.
Sənin gözün kimdə bəlli deyildir,
Gəl artıq gözünü məndən al,apar.
**
Sənsiz həyat yoxdur sanırdım bir vaxt,
Eşqin ürəyimdə qurmuşdu bir taxt,
Bu sevda uğrunda olmadın servaxt,
Gəl artıq sözünü məndən al,apar.
**
Getdinsə bir daha arama,sorma,
İncimiş qəlbimi bir daha qırma,
Gözümə görünüb ruhumu yorma,
Gəl artıq sazını məndən al,apar.
**
Hara baxıramsa əksin görünür,
Arxamca bir kölgə hər gün sürünür,
Xəyalım dumana,çənə bürünür,
Gəl artıq izini məndən al,apar.
**
Həsəd aparardı çoxları bizə,
Sən ki dönük çıxdın verdiyin sözə,
Gəlmək istəmirəm sənlə üz-üzə,
Gəl artıq üzünü məndən al,apar.
Nazlı Hacılı.
www.kafiye.net
Yorum Yapın