şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
BÖYÜK QAYIDIŞIN İLK MÜJDƏSİDİ
Cəbrayıl rayonun Cocuqmərcanlı
kəndindindən olan köçkünlərimizin
doğma yurdlarına olacaq qayıdışı üçün
quruculuq xəbərini eşitdikdən sonra.
Nə yerə sığıram,nə göyə Allah,
Sevincim layiqdi sevgiyə Allah.
Bu dağılan zülmət,açılan sabah,
Böyük qayıdışın ilk müjdəsidi!
Düşmən tapdağında tapdanan yurdum,
Səni azad etdi tapdaqdan ordum,
Qönçələnən gülüm,göyərən otum,
Böyük qayıdışın ilk müjdəsidi!
Bərpa olunursa pozulan naxış,
Demək yazımıza boyun bükür qış,
Cocuqmərcanlıya olan qayıdış,
Böyük qayıdışın ilk müjdəsidi!
Daha qərib ruhlar tapar rahatlıq,
Abadlıq olacaq hər yan abadlıq,
Bu sevinc,bu fərəh,bu uğur,şadlıq
Böyük qayıdışın ilk müjdəsidi!
Dörd günlük o şanlı aprel savaşı,
Ölüm hökmü oldu düşmənə qarşı,
O,Lələtəpənin hər bir qarışı,
Böyük qayıdışın ilk müjdəsidi!
Eşq olsun ordumun hər əsgərinə!
Şir,pələng qüvvətli nər əsgərinə!
Bu dünya sığmayan dar səngərinə,
Böyük qayıdışın ilk müjdəsidi!
Gözün aydın olsun Azərbaycanım,
Uğrunda qurbandı mənim də canım
Zaur,tarixləşən zəfər dastanım ,
Böyük qayıdışın ilk müjdəsidi!
25.yanvar.2017.
Zaur Vedili
“Vedibasar”qəzeti 16-28. fevral sayı
www.kafiye.net
Yorum Yapın