şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Eşqə düşmək şərt deyil ki,
Qəmi bölmək dərd deyil ki,
Demə şair pərt deyil ki,
Dərdimin üzü göynədi!
Dünyaya həm fani, yalan dedilər,
Şahları taxtından salan dedilər,
Bəhmən söylədilər, filan dedilər,
Doymadım nə səndən, sənli dünyamdan!
Güldən ayrı düşən arı kimiyəm,
Yıxılmış zirvənin qarı kimiyəm,
Bir az da solmuşam sarı kimiyəm,
Sən olan dünyada sənsiz qalmışam!
Hər gecə xəyalən hal- əhval bilib,
Xəyalın sorardım, cavab alardım.
Beləcə könüldən həsrəti silib,
Yuxuya, röyaya sənlə dalardım.
Qoşa izlərimiz silinir indi,
“Yarım”ız ayrılır, bölünür indi,
Tənhalıq acısı bilinir indi,
Səninlə hər anım əbədiyyətdi!
İlahi, sən qaytar məndən gedəni,
Canımdan can qopub, sızlayır yeri.
Gəl qaytar , bu məni məndən edəni,
Vallahi, mən olmam, dönməsə geri!