şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
NƏ GƏRƏKDİR
Həyatın özünü dərk etməyənə,
Şeir nə lazımdır,söz nə gərəkdir?
Düz yol tutub yolu düz getməyənə,
Cığır nə lazımdır,iz nə gərəkdir?
**
Çalış könlünü al qəlbi sınanın,
Xoşbəxtsən vardırsa canı yananın,
Qədri bilinmirsə ata-ananın,
Oğul nə lazımdır,qız nə gərəkdir?
**
Ağacdan ibrət al,barın çoxdursa,
Tikəni yarı böl qarnın toxdursa,
Əgər bir ürəkdə sevgi yoxdursa,
Baxış nə lazımdır,göz nə gərəkdir?
**
Məzlumun qeydinə qalmayanlara,
Torpaqdan güc-qüvvət almayanlara,
Canında yurd eşqi olmayanlara,
Bahar nə lazımdır,yaz nə gərəkdir?
**
Seyr elə vətəni gəz sola,sağa,
İstər arana get,istərsən dağa,
Əgər söz qoşmasan sən Qarabağa,
Mizrab nə lazımdır,saz nə gərəkdir?
Nazlı Hacılı.
www.kafiye.net
Yorum Yapın