şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
QÜRBƏTDƏ CAN ƏRİYƏR
Ala bilməzsən ələ
Qürbətdə can əriyər.
Dönüb, tükənməz ilə
Üstünə an yeriyər.
Gül – çiçəkləri solub,
Zəhər verir arısı.
Yurddan didərgin olub,
Millətin tən yarısı.
Göynəyir, qəlbin simi,
Dünyaya göz açalı
Görürəm mənim kimi,
Sızıldayır BORÇALI.
Üzünə durub qışı
Gələmmir bahar, yazı.
Göynəyib, dağı – daşı
Yadlaşır QARAYAZI.
Çətin ki, tayı ola,
Tapa bilməzsən əvəz.
İndi dönüb xəyala,
O cənnət DƏRƏLƏYƏZ.
Qəmdən, nisgil də çoşar,
Olsa kim, yada salan.
Necə gülüb danışar
GÖYCƏyə həsrət qalan?
Üzülüb inciməzmi?
Xəyal etsə güzarı.
De: – sevəni üzməzmi?
DƏRBƏNDin intizarı.
KƏRKÜK adlı şəhərim
İndi yadın sayılır.
İtib zinət, gövhərim
Yatan çətin ayılır.
Baxıb həsrətli dağa
Özümüzü üzürük
Gedəni qaytarmağa
Görən kimi gəzirik.
Mübariz Hüseyn Borçalı
www.kafiye.net
Yorum Yapın