şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
OLANDIR
İnsan, insanlığa verməsə dəyər,
Qüsurlu birinə rişxənd eyləyər.
Tanrı bu qisməti yazıbsa əyər,
Səbəbi yalnızca ona əyandır,
Əlil, ağlı/ruhu şikəst olandır
Bir insan gəlirsə dərdlərə sinə,
Dözürsə həyatın tərs silləsinə.
Açmırsa əlini bir özgəsinə,
Deməli, qandıran həm də qanandır,
Əlil, ağlı/ruhu şikəst olanıdır.
Kimi müftə gəzir hey veyil-veyil,
Halal qazanana uzadır da dil.
Ayıb dilənməkdir qazanmaq deyil,
Nankor öz əslini, kökün danandır,
Əlil, ağlı/ruhu şikəst olanıdır.
Baxın ki, ağac da ildə bir kərə,
Bar verib başını uzadır yerə.
Küləyin önündə yazıq biçarə,
Meyvəli budağı düz uzanandır,
Əlil ağlı/ruhu şikəst olanıdır.
Ey insan toplama hər gün günahı,
Çünki bilmək olmaz bu gün sabahı.
Kimsəsiz insanın olun pənahı,
Sağlam ruh insanı daim duyandır,
Əlil, ağlı/ruhu şikəst olanıdır.
Müəllif. Metanet Duyğulu.
21.04.2019
www.kafiye.net
Yorum Yapın