şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
QALDI
Candan can ayırram,can deyən olsa,
Can qurban verərdim mən deyən olsa,
İnsanın evini bilin nə yıxar,
Yüz min yeyənin yox,bir deyən olsa!
Yaşadım bir ömür, ahu-zar kimi,
Mən rüzgar görmədim,bu rüzgar kimi,
Çürütdü ömrümü qara taleyim,
Nisgilə büründüm, son bahar kimi!
Çoxları sandilar məni bəxtəvər,
Sardı ürəyimi,içdən qəm-kədər,
Olmadı mənası oda yanmağın,
Kimə can söylədim,axırı hədər!
Solmaza,quruca zəhməti qaldı,
Çəkdiyi əzabı,zilləti qaldı,
Bir ömür boyunca yandı şam təki,
Axırda qaxıncı, töhməti qaldı!
Solmaz Şirvanlı
10-04-2019
www.kafiye.net
Yorum Yapın