şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
TÖKDÜN
Ömrümdə mən də bir gülmək istədim
Sirrimi sirdaşla bölmək istədim
Mən də sevilməyi bilmək istədim
Başıma dünyanın qəmini tökdün.
**
Əlimdən ruzimi çəkib apardın
Sinəmdən qəlbimi söküb apardın
Üzümdən sevinci ekib apardın
Yerinə qəm,nisgil cəmini tökdün.
**
İzdirab çəkməkdən şam tek əridim
Ağladım,sızladım,sonra kiridim
Sıxıldım,arxanca xeyli yürüdüm
Yoluma həsrətin komunu tökdün.
**
Üzə gülümsəyib ,vurdun arxadan
Sən mənə min tələ qurdun arxadan
Mən səndən bezəndə dərhal qorxudan
Haylayıb üstümə hamını tökdün..
Nazlı Hacılı.
www.kafiye.net
Yorum Yapın