şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
AĞLARAM..
Qəlbimin yarasın saranım getdi,
Arayıb,halımı soranım getdi,
Arxamda dağ kimi duranım getdi,
Bu eşqin qəhrini çəkər ağlaram.
**
Allah bu nə sitəm,bu nə zülümdür,
Ayrılıq dediyin sanki ölümdür,
Məni bu hallara salan gülümdür,
Belimi iki qat bükər,ağlaram..
**
Peşmanlıq içində qəmlə dolaram,
Şam kimi əriyib,gül tək solaram,
Yarın qoxusunu güldən alaram,
Qəmi ürəyimə əkər,ağlaram..
**
Mən onu soraram gedib-gələndən,
Təsəlli alaram kağız-qələmdən,
İnciyib ,əlimlə dərddən,ələmdən,
Özümə bir məbəd tikər,ağlaram…
Nazlı Hacılı.
www.kafiye.net
Yorum Yapın