şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ÜZƏ GÜL
(sevgi şeri)
Təbii bir rolun sən ifaçısı,
Mən isə kənardan seyr edən oldum.
Ürəkdən keçənlər qaldı içimdə,
Nə dedin, sən dedin-eşidən oldum.
Acı tale vaxtsız saç ağartdısa
Məhəbbət, mənimçün son hədmi, oldu?
Ağ saçım tikanlı məftilə dönüb,
Bizim aramıza sərhədmi, oldu?
İllərcə yanan şam – alışsa əgər
Təzə-tər pərvanə yanmazmı, oda!?
Odlu bir ürəklə sevilən dilbər
Sevəni bir dəfə salmazmı yada?
Ləkələr salıbdı, sevgi qəlbimdə
Cərrahtək götür – at o qara xalı.
Məlhəmim gizlənib vəfa, mehrində
Üzə gül, yox eylə dərdi-məlalı.
Səni çaşdırmasın saça düşən dən,
Sinəmdə eşq dolu ürək döyünür.
Nəzər sal, ağ rəngli gülün içindən
Al-qana boyanmış köksü görünür.
Mübariz Hüseyn Borçalı
www.kafiye.net
Yorum Yapın