şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ana həsrətindən,ata dərdindən!
Qəhəri dünyanı bürüyən mənəm,
Kədərin içində çürüyən mənəm,
Qəmləri özüylə sürüyən mənəm,
Ana həsrətindən,ata dərdindən!
*
Gül açan arzular qaldı gözümdə,
Taqətim qalmayıb daha dizimdə,
Nisgil yağır,qəmlər axır sözümdə,
Ana həsrətindən,ata dərdindən!
*
Çağırıram harayima gələn yox,
Gözlərimin axan yaşın silən yox,
Nə çəkirəm bu dünyada bilən yox,
Ana həsrətindən,ata dərdindən!
*
Dərdimə agladı dagim- düzlərim,
Nisgilə büründü şerim sözlərim,
Qanlı yaş axıtdı qara gözlərim,
Ana həsrətindən,ata dərdindən!
*
Solmazin gözləri hələ yoldadır,
Harayı yox,öz-özünə daldadir,
Ağarıb telləri,çoxu çaldadir,
Ana həsrətindən,ata dərdindən!
11-09-2017
Solmaz Şirvanlı
www.kafiye.net
Yorum Yapın