şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
BOŞ ÇƏRÇIVƏ
Çaldı heyatımı gedərkən məndən,
Namərd kül üfürdü eşqin gözünə.
Iz qalmasın deyə ,o çərçivədən-
rəsmini çıxarıb verdim özünə.
Ancaq çərçivəni ata bilmirəm,
Sanki içi onun cismiylə dolu.
Hamının gördüyü o boş çərçivə,
Mənim gözlərimdə rəsmiylə dolu.
Hər gecə baxıram o çərçivəyə,
Gözümdə canlanıb, həm yox olursan.
Boşaldıb qəlbimi çıxıb gedirəm,
Dönüb baxıram ki, mənə baxırsan.
Səndən mənə qalan o boş çərçivə,
Sönən eşqimizin alışan közü.
Bir zaman rəsminlə dolu çərçivə,
Indi yaşatmayır bu eşqimizi.
Bilməzdim ki, səndən yadigar qalan,
O quru çərçivə canlı olacaq.
Bu boş çərçivədə bir ömür boyu,
Nakam eşqimizin izi qalacaq.
Seadet Rzayeva Qerib
2016
Yorum Yapın