VƏNƏNDLİ QIZ.

O qədər gözəlsən zərif,həm incə,
Tanrı verib qamət,boy Vənəndli qız.
Baxışın can alır,dodağın qönçə,
Dolanım başına qoy,Vənəndli qız.
**
Məni yoldan edən qara telindir,
Bu xoş xasiyyətin incə,həlimdir,
Vücudun o qədər xoşagəlimdir,
Heyranın olmuşam,ay Vənəndli qız.
**
Qüssəni,kədəri alma sən vecə,
Dünyanın ən gözəl qızısan məncə,
Gün olsun ay gözəl,üç gün,üç gecə,
Çalınsın səninçün toy,Vənəndli qız.
**
Gözlərin gecədir,yanağın lala,
Hər sözün,hər kəlmən bənzəyir bala,
İki oğul bala,iki qız bala,
Ver bu millətimə pay,Vənəndli qız.
**
Tərifin dolaşır eli,obanı,
Səni hər görənin qaynayır qanı,
İnan ki,dolansam bütün cahanı,
Olmaz heç kəs sənə tay,Vənəndli qız.

Nazlı Hacılı
www.kafiye.net