şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Qahabdan qardaş salamları!
Desələr: “Hardasan?,-de,- Qahabdayam.”
Oxucum, dünyada bir cənnət görsən,
Desələr: “Hardasan?,-de,- Qahabdayam”
Çiçəkdən özünçün bir çələng hörsən,
Desələr: “Hardasan?,-de,- Qahabdayam.”
Əgər kəndə baxsan, Sirab daşından,
Sənə söhbət açar öz yaddaşından.
Xəbər al kəndimin milyon yaşından,
Desələr: “Hardasan?,-de,- Qahabdayam.”
Şahiddir Qaradaş, Nəhəcir dağı,
Bu yurd əzəl olub Nəbi oylağı.
Zümrüd göl başında Hərdə yaylağı…
Desələr: “Hardasan?,-de,- Qahabdayam.”
Bu kənddən çıxıbdı çox ziyalılar,
Bu kəndin Elmanı, Mirkərimi var.
Harda vəfa görsən, harda ehtibar,
Desələr: “Hardasan?,-de,- Qahabdayam.”
Bu sıra təpələr Tanrımın payı,
Selov da kəndimin kiçik bir çayı.
Qonşu Naxışnərgiz çayın o tayı,
Desələr: “Hardasan?,-de,- Qahabdayam.”
Qarşına çıxarsa, hörmətcil insan,
Dinə sədaqətli, pakizə vicdan.
Həmsöhbət olarsa, səninlə Ümman,
Desələr: “Hardasan?,-de,- Qahabdayam”
18 aprel 2010-cu il
Qanun Ümman Qahabli
www.kafiye.net
Yorum Yapın