şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ala bilməzsən ələ
Qürbətdə can əriyər.
Dönüb, tükənməz ilə
Üstünə an yeriyər.
Könül, sanma izində
Arzuların sürünür.
Təbəssümlü üzündə
Məhəbbətin görünür.
Xaliq sizi xəlq edərsə dünyaya,
Dağılan ev, abadlaşan yurd olar.
İnanmıram istəklərdən can doya
Verdiyiniz sevinc, arzu – kam olar.
Məhəbbətin yolları
Ot basmış cığır oldu.
Hey uzanan qolları,
Çəkənə ağır oldu.
Olsa, xalq arxa duran
Olarmı, o yurd viran?
Əməl olunsa hər an
Yayılar şan – şöhrəti
Gözəldi, el adəti.
Qırdağında, Əyriqarda, Şindidə
İgidlərin at çapırmı indi, də!?
Başkeçıdin obasında, elində
Könül açan çağların yada düşür.
Adəm oğlu, gəncliyində dünyaya
İnam ilə, güc göstərib ərk etdi.
Qoymadı ki, hər əzabdan can doya
Sədd çəkərək, məhvərini bərkitdi.
İllər verən yanğıdan,
Alışaraq közərmiş.
Yaşamaq üçün insan,
Min əzaba dözərmiş.
Haqqı deyən, başçıdan təhqir alsa,
Hardagəldi söz eyləyib gülmə, sən.
Vardı payın, tələb edib O, udsa,
Çəkindinsə, özünü mərd bilmə, sən!
El! Oba! Gedirəm can pərişandı
Kaş, bir də qayıdıb dönə biləydim.
Dağlar yamacında, bulaq başında
Zəngulə qaldırıb, dinə biləydim.