şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Hansı zəmanəyə gəlmişik Allah,
Bülbül, adındakı xarı bəyənmir.
Xoruz ac-yalavac durb hər sabah,
İndə buğda gəzir, “darı”. bəyənmir.
Yağılar pusuyla kəməndə salıb,
Əzrail başının üstünü alıb.
Əlləri əlimə uzanı qalıb,
Qapaz ilişdirir hər gəlib gedən,
Düşmənlər əlində ağlayır vətən.
Zaman-zaman bu dünyanın,
Aramışam gərdişini.
Bilməmişəm fikri nədir,
Tapmamışam vərdişini.
Yaş ötübdür ömür keçib gün keçib,
Həyat mənə nağıllardan don biçib,
Axı bahar göy üzündən su istər,
Mənimkisə göz yaşımdan su içib.
Xəyallar pərən düşüb,
Yenə dalıb gözlərim.
Düzülüb qatar-qatar,
Yola çıxıb sözlərim.
Vicdanı unudub, arı çeynəyən,
Camalı bir mələk olsa nə fayda.
Bağdadda Xəlifə burda mən deyən,
Dünyanı əlinə alsa nə fayda.
Gəlib zəmanəmizə,
Sosial şəbəkələr.
Ailə, uşaq evindən,
Ayrı düşüb dərbədər.
Tanrı dərgahına yetsəydi əlim,
Qəmli bülbülləri gülə yazardım.
Sevən ürəklərə billurdan saray,
Onu yıxanlara,məzar qazardım.
Əzəldən haqq olub, haqqa yanaşdıq,
Amma, haqsızlığın felinə düşdük.
Sevdamız uğruna dərə dağ aşdıq,
Həyatın bulanıq selinə düşdük.
Demə ki, ömrümüz keçdi əzizim,
Payızda baharı yaşayırıq biz.
Alıb çiynimizə illərdən bəri,
Bir eşqin yükünü daşıyırıq biz.