şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Gəl sənə sevgidən özüm dərs deyim,
Nəticə çıxarmaq istəsən, əlbət,
Atalardan qalma var belə deyim,
Mənzilinə yetər, kim etsə niyyət…
İstəmirəm sözüm dava qoxusun,
Gəlin elə yazaq, hamı oxusun,
İzləyirəm gələn rəyin çoxusun,
Tərəfləri Leyli-Məcnun tanırsız,
Niyə deyişməni sevgi sanırsız?…
Dərdlərini göndər gəlsin üstümə,
Mənim qəlbim dərdlər üçün “Bilgisay”,*
Od vur, yandır, — tamaşa et tüstümə,
Tikdir öz eşqinə külümdən saray.
Bir arxalı iş başına keçirsə,
Neçəsin gətirir cana…var adı*,
Alçaqlığı həyat yolu seçirsə,
Əməlindən neçə can avaradı…
Məni deyişməyə çağıran hərif,
Gərəkdi beynini yoxlaylm sənin,
Ədəb-ərkanını eyləyib tərif,
Vəsfini divara mıxlayım sənin.
Sənə mən söz deyirəm, ay bəni-insan,, başa düş,
Salmısan bir günə, yox dərdimə dərman, başa düş.
Şerinin hər sətiri, məndə “xoş” əhval yaradır,
Ruhuma qaşov çəkən “vəzninə “ heyran, başa düş.
Alışa bilmirəm miskin həyata,
Necə deyim qanma, duyma, ürəyim,
Yan-yörəmi iblis, şeytan bürüyüb,
Fitnə-fəsadlara uyma ürəyim.
Səni necə vəsf eləyim, bilmirəm,
Gözlərim dikilib qız, dodağına,
Əldə qələm, bir qərara gəlmirəm,
Yazsam yaraşarmı, söz dodağına?..
Kredit də narkotik kimi şeydir,
Bir dəfə öyrəşdin, dalı gələcək,
Badəyə süzülən şeytani meydir,
Bir səfası, min zavalı gələcək.
Ömür yolum tamam qüssə, kədərdi,
Bircə günüm olmayıb ağ, ay ana,
Alın yazısını pozmaq hədərdi,
Qaçammazsan “qədər”dən ağa, yana.