şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Sözü qəlpə – qəlpə qayadan qopar,
Diş ilə, dırnaqla çalış yol, daşı*,
Əməlindən nəsə qalsın yadigar,
Təbin ilə gələcəyə yol daşı**…
Dost kimi dərdimi bölüşmək üçün,
Görən, varmı biri, çıxa qabağa…
Taleyimiz belə yazılıb neyçün?
Güman gedir neçə illər qabağa*…
Dövran havalanıb bilmirəm, nədir,
Qəflətdən ayılan, yenidən yatır,
Yoxsa çərxi-fələk tərsinə gedir,
Beynin inkişafın belə yubadır?!
Bura şeir aləmidir, keçməz işin “xox”la, bala,
Müqayisə eyləmə gəl, onurğanı “tıx”la, bala,
Köhnədən qalan bazara, gəlmə təzə nırxla, bala,
Olma səbəb qeylü – qala, söz qabını yoxla, bala,
İstəyirdim elə yazam yazımı,
Oxunanda dürlü anlar yaşana,
Zəmanə döndərdi qışa yazımı,
Gözlərimdə donub qaldı yaş, ana!
Qanana “milli dəyər”di,
Tarixdəki nənəm indi,
Görən, bizə nə deyərdi,
Sağ olsaydı nənəm, indi?…
Dözmürəm, ağrın alım, mən bu uişlərin tabına,
Atalar deyib, hərə urcah olar öz babına.
Çoxları burda salır, çömçəğni özgə qabına,
Dolandırmadın məni….. Dolandırdın “hər zad”ına,
Qovzayıb başımızı, qovlayıb dumanımızı,
Bir qədər açıq gözlə seyr edək zamanımızı.
Gücümüz çox şeyi həll etməyə bəs eyləməyir,
Satmayaq heç olmasa, şeytana vicdanımızı.
Söz ruhi qidadır, oxşayır dənə,
Gərək üyüdəsən, axır unacan,
Deyilənlər uyğun olsa, dərdinə,
Çalış dinləyəsən axırınacan.
Bir sual verəcəm, qal intizarda,
Olmayacam sənə, havadar kimi,
Yerini deyəcəm, taparsan harda,
Bostanda, ağacda həm də, bar kimi…