şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Solmaz xanım
Harayla sən məni qayıdacağam,
Mürgüdən,yuxudan oyadacağam,
Sənin həsrətindən bölünən dağam,
Sənsiz zülmət saran küncəm,bucağam,
Bir sənə,bil sənə qayıdacağam!
Zalım qızı gəl peşiman eyləmə,
Mən yazığa belə hədyan söyləmə,
Sevdim səni gözüm giryan eyləmə,
Kösövə,ocağa çatma sən məni.
Solmaz:
Tuti-zəban olacam mən,
Ürəklərə dolacam mən,
Bu sözümlə, sorağımla
Yaddaşlarda qalacam mən.
Can dedim ol canana ki
O, mənim canımı alsın?
Eşqində yanan mən olum,
O gedib özgənin olsun?
Hər kəsin şerinə yazıram rəyi,
Dostluqda vəfaya edirəm səy”i,
İstərəm hər kəsin olum köməyi,
Heyif ki,çoxunda vəfa görmürəm.
Can deyib,canana canımı verdim,
Neynədim qədrimi bilmədi mənim.
Telinə gül düzdüm,çiçəklər hördüm,
O zalım üzümə gülmədi mənim.
Deyirsən deyişək,nədən başlayaq,
Dünyanın qəminə yüklənmişəm mən.
Mən karvan önündə bir saribanam,
Bax üzü yoxuşa diklənmişəm mən.
Bir də elə yazma gülüm,
Sənə qurban obam-elim,
Sənsizliyim mənə zülüm,
Qurban olum sənə qardaş!
Elə qəribəm ki,öz elimdə mən,
Gəl birlikdə bir çay içək nə olar?
Nəğmələr bitirrəm bax dilimdə mən,
Gəl həsrət körpüsün keçək nə olar?
Bilsəydin mən nələr çəkirəm burda,
Sakitcə dayanıb,durmazdın orda,
Bir quş qanadında gələrdin bura,
Qoymazdın sevdiyin boynunu bura.