şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Bal deyib zəhər etdilər suyumu,
Gəlib yasa çevirdilər toyumu.
Üzümə gülənlər qazdı quyumu,
Çox “mələyin” quyruğun şələ gördüm.
Niyə gəldim bu dünyaya
Ruha dustaq etdin təni,
Qurtuluş verdin səcdəni,
Yaradan, bağışla məni,
Hardasa, adını düşünən varsa,
Kimsə səni,”yaxşı“deyib anırsa,
Özündən sonra, bir izin qalırsa,
Dəyər yaşamağa, qoca dünyada.
Axan su, günah yumaz,
Duam çox, zamanım az.
Məhşərəcən qurumaz,
Bir cüt ağlar gözüm var.
O ağacın altda oturaq yenə,
Görüşə bəhanə uyduraq yenə,
Bacara bilmərik, qaytaraq yenə!
Səni yollar aldı, mənisə cığır,
Çağir, o illəri geriyə çağır.
Mən ki qulam, nə şaham, nə vəzirəm.
Eşqimizin başına bir nəzirəm.
Sevginə inanıb suda gəzirəm,
İnamı itirsəm, o an batacam.
Atdı məni gecələrin qoynuna,
Durub xəyallara daldı xəyalın.
Hərdən o qırxıncı otağa girdi,
Hərdən yad qapıda qaldı xəyalın.
Gəlin sizə nağıl deyim,
Bu nağılın adı doğru.
Nə istəsən görəcəksən,
Xain, paxıl, alçaq, oğru.
Yenə uşaq olub qapı pusaydım,
Niyyət edib, ağacdan şal asaydım.
Məni sevdiyinə inanmasaydım,
Bəlkə də, ümidim yolun sapardı.
Bu dünyanın çoxu sudur,
Bəlkə elə sirri budur?
Ədalətin qanunudur,
Quyu qazan, özü düşər.